終於都踏入了讀書生涯的最後一週上課天，
這個sem真的讀得好開心好快樂
我很喜歡我的marketing major
這裡我不斷遇上很好玩很好笑的組員
這裡我不斷遇上很好人很關心學生的教授

就是因為喜愛這裡，
於是我更害怕這種離別的感覺。

現在又再次做我的marketing project
其實今個sem的mk course工作量比以往的多
但是大家一起做project一起努力的感覺真的好好。
下星期二就是最後一個presentation，
一定要做好一點。

只是踏入最後一週，
我現在這一刻完全唔想做ppt的內容~~^^"
只想整下ppt的template
在這一刻突然想起
其實我們都愈來愈愛整一個最靚的ppt
係咪因為我地只係追求完美
因為一個hea的ppt令整件事情都好hea...haha

發表完偉論，繼續做project
2:15am

我冇假放!!!!!!>.<

好想放假!!!!!!

我發現我真係要到final先放到假....
明明聽日就係公眾假期，
唔知點解又要返黎玩mark321的simulation game...
而呢個game累計已經玩左幾廿個鐘了，
搞到gpmate成日都要搭尾埋車返家。
比起第一次，我地終於都開始識玩，
不過見到一大堆data仍然會覺得好煩同好頭痛
仲令我夜晚都訓唔著。
不過呢個咁好玩o既game聽日會玩成日之後終於會玩完。
希望個成績會好好睇睇啦。

玩完game，
接住連續兩日都要傾project同case仲有個final係星期二。
點解冇人話我聽final year讀mk會咁多野做....
不過好彩有好好玩好好好笑好好好的gpmate~
令我玩玩下game同傾傾下project都會笑唔停。
雖然我想放假，不過我見到你地都會好開心ge~
一齊辛苦的感覺都唔係太差ge...ahaaa~
我真係好鍾意你地~!

我依家只有一個希望
就係聽晚可以返到屋企食飯...

27/3/2009

今朝早上堂玩pricing game，
真係好好玩啊！
哈哈，雖然玩到我地組的人都一齊好激氣，
不過唔使追hon o既我真係覺得好好玩呀呢d心理戰。

雖然最後輸左只係得到course grade 3%的0.2%~
而最自私o個組可以拎到2%-3%。
我覺得我地唔係唔識玩，
而真係唔夠奸，同埋錯誤地相信左人性係善良~^^
哈哈哈，不過我好鍾意d gpmate呀!
我地都玩得好投入同埋激動~~
carman leo wilson仲有靈魂同我地同在o既katie~~

結論係呢個都只係一個遊戲，
不過從呢個遊戲入面又同gpmate團結左。
我地上左一課，
下次再玩pricing game就唔會再錯同一樣野~~
見到有d組都好激動其實都好好笑。

夜晚出左旺角食飯，
大家都講左超多野，好累，
不過又好好笑。
唔知點解話題離離去去都係o個d，
但仍可以每次見面都要講，
同埋每次都會笑。
其實我同你地都係好易開心的人。

食完飯返到科大又去左一陣下下莊的EGM，
努力啊~應該就快可以過哂D function了!
等我都幫下手做helpers 先~^^

20/2/2009 SSSS AGM

AGM其實都幾開心，
因為好多上莊都返左黎，
見到不同屆四蛇莊的人~~
真係好好好大家庭

雖然通左一晚頂已經好累
但咁多人一齊真係好開心
見到下下莊utopia感覺依然咁好

兩屆in sec的webcam對話真係好好笑。

8/2/2009

開學一星期
總括下就係好開心。
雖然第一個星期的堂都好悶
但有得同一眾朋友一齊上堂真係好愉快
尤其兩個Mk courses同都katie carmen一齊，
遲d應該會笑死。
美中不足就係二四都冇lunch time
唔可以係咁約人食飯。

星期五晚去了下下莊的forum
久違了的conference room
終於都認識了下下莊utopia
說真的，直覺已經令我對下下莊好有好感
因為你地令我感受到自己上莊的那年
我覺得utopia14個人就好似當年的我們
你地要繼續做一支完完整整團團結結的莊

而且我覺得下下莊好幸福
因為我地四莊同堂，
matches sapphire chinook utopia
(如果計埋feather o既william應該係5莊同堂)
大家都俾左唔少意見下下莊
我一直都知道四蛇係一個大家庭
希望下年我地grad左仍然會每年返黎forum同agm

我唔知自己有冇感覺錯
但係認真覺得utopia係有心搞好四蛇
我真心相信下下莊們會將四蛇帶俾我地o既野
貢獻番俾大家同社會
可能大家一開始只係想做義工
但唔知點解咁複雜咁辛苦
要搞promotion period同好多唔關事o既野
但如果冇左promotion period
應該唔會對莊員們了解咁深

promotion period的確係一個好好的考驗
希望下下莊可以繼續努力同進步
我地從來都唔期望你地可以好似house莊咁強勢
只係希望你地可以一齊努力付出同犧牲
我呢個上上莊的確好期待下下莊的表現
希望utopia唔好令我地失望!!

嗯，其實去完forum真係好懷念sapphire promotion period的日子。
AGM希望D上莊同埋上上莊都可以返到黎啦!